ગુજરાતી સાહિત્યના અદ્ભુત શેર. જુઓ

 ગુજરાતી સાહિત્યના અદ્ભુત શેર.

▪

*મારી હસ્તી મારી પાછળ એ રીતે વિસરાઈ ગઈ,*

*આંગળી જળમાંથી નીકળી ને જગા પૂરાઈ ગઈ.*

ઓજસ પાલનપુરી

▪

*અધીરો છે તને ઈશ્વર બધુંયે આપવા માટે,*

*તું ચમચી લઈને ઊભો છે દરિયો માગવા માટે?*

અનિલ ચાવડાલ

▪

*તારું કશું ન હોય તો છોડીને આવ તું,*

*તારું જ બધું હોય તો છોડીને બતાવ તું.*

રાજેશ વ્યાસ 'મિસ્કીન'

▪

*આભમાં કે દરિયામાં તો એક પણ કેડી નથી,*

*અર્થ એનો એ નથી કે કોઈએ સફર ખેડી નથી.*

રાજેશ વ્યાસ 'મિસ્કીન'

▪

*આ અહીં પ્હોંચ્યા પછીથી એટલું સમજાય છે,*

*કોઈ કંઈ કરતું નથી બસ આ બધું તો થાય છે.*

રાજેન્દ્ર શુક્લ

▪

*શ્વાસને ઈસ્ત્રી કરી મેં સાચવી રાખ્યા હતા,*

*ક્યાંક અણધાર્યા પ્રસંગે જો જવાનું થાય તો!*

અનિલ ચાવડા

▪

*ઘર સુધી તું આવવાની જીદ ન કર,*

*ઘર નથી નહીંતર હું ના પાડું તને?*

ખલીલ ધનતેજવી

▪

*ક્રોધ મારો જોઈને ડરશો નહીં,*

*પુષ્પના ડાઘા કદી પડતા નથી.*

ચિનુ મોદી

▪

*ભૂલ જો થાય મિત્રોની તો માફ કર,*

*જીભ કચડાય તો દાંત તોડાય કૈ*

અનિલ ચાવડા

▪

*ચિંતા કરવાની મેં છોડી,*

*જેવું પાણી એવી હોડી.*

ભાવેશ ભટ્ટ

▪

*સંપ માટીએ કર્યો તો ઈંટ થઈ,*

*ઈંટનું ટોળું મળ્યું તો ભીંત થઈ.*

અનિલ ચાવડા

▪

*શ્રદ્ધાનો હો વિષય ત્યાં પુરાવાની શી જરૂર?*

*કુરઆનમાં તો ક્યાંય પયંબરની સહી નથી.*

જલન માતરી

▪

*જિંદગીને જીવવાની ફિલસુફી સમજી લીધી,*

*જે ખુશી આવી જીવનમાં આખરી સમજી લીધી.*

મરીઝ

▪

*હું મંદિરમાં આવ્યો અને દ્વાર બોલ્યું,*

*પગરખાં નહીં બસ અભરખા ઉતારો.*

ગૌરાંગ ઠાકર

▪

*જત જણાવવાનું તને કે, છે અજબ વાતાવરણ,*

*એક ક્ષણ તું હોય છ, ને એક ક્ષણ તારું સ્મરણ.*

રાજેન્દ્ર શુક્લ

▪

*તમને સમય નથી, અને મારો સમય નથી,*

*કોણે કહ્યું કે આપણી વચ્ચે પ્રણય નથી.*

બાપુભાઈ ગઢવી

▪

*રડ્યા ‘બેફામ’ સૌ મારા મરણ પર એજ કારણથી,*

*હતો મારો જ એ અવસર ને મારી હાજરી નહોતી.*

બરકત વિરાણી ‘બેફામ’

▪

*તફાવત એ જ છે,તારા અને મારા વિષે, જાહિદ,*

*વિચારીને તું જીવે છે, હું જીવીને વિચારું છું*

અમૃત ઘાયલ

▪

*તું કહે છે અશ્રુ ચાલ્યા જાય છે,*

*હું કહું છું જિંદગી ધોવાય છે.*

શયદા

અને છેલ્લે...

*ક્યારેક એવું લાગે કે'સંબંધો' બીડી જેવા*

*થઈ ગયા છે,*

*ટાઈમે ફૂંક ના મારોતો ઠરી જાય...*